Gleðisveitin Mandólín fagnar útgáfu sinnar fyrstu plötu með fjörugum laugardagstónleikum í Salnum.
Á efnisskrá er skemmtitónlist í bland við tregatóna frá ólíkum heimshornum. Finnskur og argentínskur tangó, líbönsk danssveifla, klezmerfjör og balkanmúsík og sígrænar ballöður, sumar í sérstökum tyllidagabúningi í tilefni dagsins.
Hljómsveitin Mandólín var stofnuð í garðskála í Kópavogi árið 2014 og hefur starfað óslitið síðan. Sveitin hefur komið fram á fjölda tónleika og á tónlistarhátíðum.
