Hildur Vala fagnar í ár 20 ára ferilsafmæli en árið 2005 skaust hún fram á sjónarsviðið þegar hún söng til sigurs í Idol Stjörnuleit á Stöð 2. Hún hefur verið ötul við tónlistarflutning síðan og hefur meðal annars sent frá sér þrjár sólóplötur og á annan tug smáskífa. Á þessum tónleikum verður litið um öxl og ferilinn góði rifjaður upp með aðstoð frábærra tónlistarmanna.
Sérstakur gestur verður Daníel Ágúst, söngvari í Nýdönsk og Gus Gus.
Hljómsveitina skipa: Guðmundur Pétursson, Magnús Trygvason Eliassen, Andri Ólafsson, Grímur Helgason, Pétur Benediktsson, Jón Ólafsson, Jökull Jónsson og Kári Kolbeinn Jónsson
