SAMI STAÐUR, SAMA SJÓV, SÖMU STJÖRNUR!
Óður til söngleiksins snýr aftur!
Eftir ógleymanlega söngleikjatónleika Fuglabjargs síðastliðið sumar er komið að endurteknum leik! Þann 9. janúar gefst þér tækifæri til að upplifa Óður til söngleiksins á ný (nú, eða þá í fyrsta sinn ef þú misstir af þeim!)
Ekki láta þig vanta!
Leikfélagið Fuglabjarg, skipað sviðslistakonunum Guðrúnu Ágústu Gunnarsdóttur, Katrínu Ýr Erlingsdóttur og Tinnu Margréti Hrafnkelsdóttur, heldur stórtónleikana Óður til söngleiksins í Salnum í Kópavogi þann 9. janúar kl. 20:00. Þar sameina þær krafta sína með lifandi hljómsveit, bakröddum og dönsurum í meiriháttar söngleikjaveislu þar sem flutt verða mörg af ástsælustu lögum söngleikjasögunnar.
Á dagskránni má finna allt frá einlægum og tilfinningaþrungnum ballöðum yfir í kraftmikil hópatriði, meðal annars úr ástsælu söngleikjunum Vesalingunum, Litlu Hryllingsbúðinni og Hamilton. Með leiknum senum og húmor leiða söngkonurnar áhorfendur inn í töfraheim söngleikja og má þar finna brot úr verkum allt frá fyrri hluta 20. aldar til glænýrra verka. Tónleikarnir eru fullkomin skemmtun fyrir söngleikjaunnendur en ekki síður fyrir þau sem vilja kynnast hinum dásamlega heim söngleikja sem virðist vera á miklu stökki í íslensku samfélagi í dag!
Hljómsveit:
Gítarleikari og hljómsveitarstjóri: Matthías Helgi Sigurðarson
Píanóleikari: Jon Ingvi Seljeseth
Bassaleikari: Ævar Örn Sigurðsson
Trommuleikari: Þorsteinn Jónsson
Dansarar og kórmeðlimir:
Emil Agnar Sumarliðason
Hildur Kaldalóns Björnsdóttir
Sigurður Þorkell Vignir Ómarsson
Telma Ósk Bergþórsdóttir
Danshöfundur: Katrín Ýr Erlingsdóttir
Sviðshönnuður: Tinna Margrét Hrafnkelsdóttir
Raddstýra: Guðrún Ágústa Gunnarsdóttir
