Eldri borgurum er boðið á viðburðinn Slaka & Skapa með Thelmu Björk Jónsdóttir sem fer fram í Gerðarsafni listasafni Kópavogs. Skoðuð verða tengslin milli hugleiðslu og handverks í gegnum teygjur og öndunar- og slökunaræfingar sem Thelma hefur þróað. Áhugasömum er boðið að halda hugleiðslu áfram með því að taka þátt í handverksvinnu á borð við útsaum með ólíkum áhöldum og aðferðum.
Thelma Björk er fatahönnuður og jógakennari. Hún hefur verið virk í kennslu frá árinu 2014 og hefur staðið á bakvið fjölda verkefna á borð við Slökun í borg, samstarfsverkefni systrasamlagsins og Reykjavíkurborgar. Thelma lauk meistaranámi við Listaháskóla Íslands í listkennslufræðum þar sem hún var og er að vinna með tengslin milli handverks og hugleiðslu. Meðfram því að miðla reynslu sinni í gengum jóga og hugleiðslu kennir hún námskeiðin Slaka & Skapa þar sem hún blandar saman hugleiðslu við skapandi ferli hvers nemanda. Hún hefur sérhæft sig í því að starfa með börnum og eldri borgurum. Hægt er að fylgjast með verkefnum Thelmu á www.andadu.com
Frítt er inn á viðburðinn og yfirstandandi sýningu á Gerðarsafni fyrir þáttakendur og verður heitt á könnunni.
17
sep
Bókasafn Kópavogs
