Í þessari lifandi og gagnrýnu sýningu mætast íslensk og erlend flóra í matarleifum, þar sem þær sameinast og umbreytast í gegnum ræktun, gerjast og þurrkast í þrívíða og gagnvirka innsetningu sveigjanlegra og hálf sveigjanlegra efna. Verkefnið gefur gestum tækifæri til að líta inn í lifandi heim sem er enn ókunnugur á Íslandi.
Gudrita Lape útskrifaðist úr Listaháskóla Íslands árið 2012 og lauk nýlega námi í textíl og tækni við Fabricademy – Fab Lab textíl akademíu í Barselóna þar sem meðal annars kóðun, snjalltextíl og hönnun á náttúrulegum “efnum” (biochromes, biocomposites, biomaterials, grown materials) voru kennd.
Áherslur sýningarinnar eru meðal annars: að kynna betur notkun mats og lífefna í myndlist og að hefja umræðu um matarsóun og aktívisma þess í gegnum myndlist. Verkefnið er framhald rannsóknar listakonunnar á forgengilegum verkum þar sem náttúruleg litarefni, matarlist og lífefni eru í forgrunni.
