Það verður fjöldinn allur af viðburðum í boði í sumar í Kópavogi. Lifandi tónlist, göngur, listsmiðjur, hannyrðaklúbbar og sýningar. Við hvetjum ykkur til að fylgjast vel með hér á meko.is og á vef Kópavogs.
„Áhugi fólks á viðburðum er ekkert minni á sumrin en á öðrum árstíma“, segir Elísabet Indra Ragnarsdóttir sem stýrir viðburðum og hátíðum hjá Mekó. „Fjölbreytni í viðburðum er mikil og flest ættu að finna eitthvað við sitt hæfi. Ég er til dæmis mjög spennt fyrir sumarjazzinum í Salnum, topptónlistarfólk sem ætlar að koma þar fram.“
Hér má finna viðburði sumarsins.
Við hlökkum til þess að taka á móti ykkur í sumar.
