Boðið verður upp á sumargöngu umhverfis Elliðavatn, miðvikudaginn 5. júní klukkan 17. Leiðsögumaður er Einar Skúlason.
Spjallað verður um breytingar í kjölfar þess er stíflan kom, bújarðirnar á svæðinu, upphaf skógræktar í Heiðmörk, Þingnes, sprungusveiminn frá Krýsuvíkureldstöðinni og fleira.
Vegalengd ca 9 km og takmörkuð hækkun. Gangan tekur rúma tvo tíma. Aðgangur er ókeypis og öll velkomin.
Skóbúnaður:
Gengið er á stígum alla leið, mest á malarstígum en einnig á malbiki.
Því hentar vel að vera í léttari skóm (fremur en þungum gönguskóm).
Sjá staðsetningu á
google maps: https://maps.app.goo.gl/4W35x4TmPbnVpj1v8
