Sumarnámskeið
Skissur breytast í skúlptúr
Menningarhúsin í Kópavogi bjóða upp á heilsdags námskeið fyrir börn á aldrinum 6 til 9 ára vikuna 12. – 16. ágúst frá klukkan 09.00 – 16.00. Námskeiðið fer fram í Náttúrufræðistofu, Bókasafni Kópavogs, í Gerðarsafni og úti í náttúru Kópavogs.
Að þessu sinni munu tvær myndlistarkonur kenna fjölbreyttar aðferðir út frá sýningu Gerðarsafns, Útlína. Á sýningunni eru fjölbreytt verk eftir marga af þekktustu listamönnum Íslands og fá nemendur tækifæri til þess að kynnast verkum þeirra um leið og þeir læra um hugtakið skissa og kynnast því hvernig skissur þróast í nokkrum skrefum út í þríviðan skúlptúr. Farið verður í skemmtilegar teikniæfingar með tónlist, hreyfingum og lokuð augun, en vírar og pappamassi koma við sögu í skúlptúrgerðinni. Í lok námskeiðsins er fjölskyldum nemenda boðið á sýningu á safninu þar sem verk hvers nemanda og þróun þess verða sýnd.
Námskeiðsgjald: kr. 24.000. Systkinaafsláttur er 20% við skráningu barns nr. 2 og 10% á hvert barn eftir það. Hámarksfjöldi á námskeiðið er 18 börn.
Þátttakendur þurfa að hafa meðferðis hollt og gott nesti, hlífðarföt og stígvél.
Sjá nánar um námskeiðið í heild.
Skráning hér.
Börn með lögheimili utan Kópavogs geta sent email á menningarhusin@kopavogur.is til að skrá sig.
28
ágú
Bókasafn Kópavogs
11:00
