Brynja Sveinsdóttir, sýningarstjóri, leiðir gesti um sýninguna Afrit. Á sýningunni Afrit eru verk sjö samtímalistamanna sem ögra hugmyndum okkar um ljósmyndir sem glugga að raunveruleikanum. Sýningin er í senn könnun á óljósu eðli ljósmyndarinnar og leikur með möguleika miðilsins þar sem látið er reyna á þolmörk hans. Sýningin Afrit er hluti af Ljósmyndahátíð Íslands 2020.
Listamenn:
Anna Júlía Friðbjörnsdóttir
Bjarki Bragason
Claudia Hausfeld
Hallgerður Hallgrímsdóttir
Katrín Elvarsdóttir
Pétur Thomsen
Þórdís Jóhannesdóttir
Leiðsögnin er liður í dagskránni Menning á miðvikudögum á vegum Menningarhúsanna í Kópavogi sem eru Bókasafn Kópavogs, Gerðarsafn, Náttúrufræðistofa, Héraðsskjalasafn og Salurinn.
Aðgangur er ókeypis og allir velkomnir.
Mynd: Katrín Elvarsdóttir, Óshyrna, Space-Time Continuum, 2019
