Töfraloftbelgurinn er þátttökusýning fyrir börn á leikskólaaldri.
Listahópurinn Kvistur sýnir 30 mínútna barnasýningu í barnadeild safnsins.
Öll velkomin. Frítt inn.
Sýningin er hluti af Ungi 2026 – alþjóðleg sviðslistahátíð fyrir börn.
Töfraloftbelgurinn er þátttökusýning fyrir börn á leikskólaaldri (0-5 ára) og byggir á samnefndri barnabók eftir Hildi Kristínu Thorstensen sem fjallar um köttinn Prófessor og gömlu konuna Málfríði sem ferðast um á töfraloftbelg og lenda í allskyns skrítnum ævintýrum.
Sungin verða nokkur lög og farið með þulur sem flest leikskólabörn kunna og geta því tekið undir.
