Komum og vefum saman litríka, litla skúlptúra sem kenndir eru við Ojos de Dios eða „augu guðs.“
Smiðjan hentar börnum og fjölskyldum. Aðgangur er ókeypis og öll hjartanlega velkomin á meðan húsrúm leyfir.
—
Ojos de Dios eru helgisiðahlutir sem voru upprunalega gerðir af Huichol frumbyggjum Mexíkó. Vefnaðurinn er táknmynd sem tengist fyrst og fremst bænum um gott, langt líf, vernd og til að tryggja góða uppskeru á komandi sumri.
Endar prikanna tákna frumefnin fjögur, jörð, vatn, loft og eld, og áttirnar fjórar, norður, suður, austur og vestur. Miðaugað táknar sjálfa sólina og stendur fyrir kraftinn til að sjá og skilja hluti sem við venjulega getum ekki séð.
Að smiðju lokinni er hægt að fara með skúlptúrinn heim og fylla heimilið af nýjum krafti.
Viðburðurinn er liður í Fjölskyldustundum á laugardögum sem styrktar eru af lista- og menningarráði Kópavogsbæjar.
