Vísindasmiðjan býður forvitnum börnum og fullorðnum að koma og kynnast undrum vísindanna í fróðlegri og skemmtilegri fjölskyldustund á aðalsafni.
Aðgangur ókeypis og öll hjartanlega velkomin á meðan húsrúm leyfir.
Fjölskyldustundir á laugardögum er styrktar af lista- og menningarráði Kópavogsbæjar.
Háskóli Íslands leggur áherslu á að glæða áhuga ungs fólks á vísindum og fræðum og hefur staðið fyrir margs konar verkefnum í þeim tilgangi. Vísindasmiðjan leikur þar lykilhlutverk en sem dæmi um önnur verkefni sem miða að sama marki má nefna Háskóla unga fólksins, Vísindavefinn og Háskólalestina.
Markmið Vísindasmiðjunnar eru að:
- efla áhuga ungmenna á vísindum með gagnvirkum og lifandi hætti
- styðja við kennslu á sviði náttúru- og raunvísinda
- miðla vísindalegri þekkingu til samfélagsins
