Könnunarleiðangur bókasafnsins

Starfsfólk Bókasafns Kópavogs er iðulega boðið og búið að aðstoða gesti safnsins – en um þessar mundir biðlar það til gestanna um að aðstoða sig.
„Við höfum undanfarin ár beðið gesti um að fylla út stutta könnun fyrir okkur. Það skiptir okkur miklu að heyra frá lánþegunum okkar og vita hvernig þeim finnst þjónustan, hvað þeim finnst gott og hvar þyrfti að gera betur,“ segir Lísa Z. Valdimarsdóttir, forstöðumaður Bókasafns Kópavogs. „Í fyrra spurðum við til dæmis um það hvernig breytingarnar hérna á aðalsafni hefðu komið út. Mikil ánægja mældist í könnuninni sem er okkur hvatning til þess að halda áfram á sömu braut. Nú hafa til dæmis nýlega farið fram breytingar á Lindasafni og framundan er endurskipulagning þriðju hæðar aðalsafns, þar sem við viljum búa til aðstöðu sem laðar að ungt fólk.“
Lísa segir fleira forvitnilegt hafa komið á daginn þegar niðurstöður könnunarinnar í fyrra voru skoðaðar. „Við fengum staðfest það sem við óttuðumst, að við náum ekki að þjónusta alla Kópavogsbúa jafn vel. Þeir sem svöruðu könnuninni voru flestir búsettir í póstnúmerum 200 og 201, en þar eru aðalsafn og Lindasafn. Fólk í efri byggðum bæjarins skilar sér ekki á söfnin, enda er um langan veg að fara á næsta bókasafn fyrir þá sem eru búsettir í Kórahverfi, á Vatnsenda eða í Salahverfi.“ Lísa segir að í nýju könnuninni verði lánþegar spurðir hvort þeim finnist þörf á nýju útibúi og hvar þar ætti þá að vera staðsett í bænum.
Lísa segir að það sé líf og fjör á safninu þessa dagana og á hverjum degi bætist nýir titlar í hillurnar. „Þetta er skemmtilegasti tími ársins þegar maður vinnur í bókabransanum. Svo erum við að skipuleggja aðventudagskrána og það verður margt skemmtilegt í boði fyrir alla fjölskylduna.“
Hægt er að svara könnuninni á aðalsafni, Lindasafni eða að heiman, en hlekk á könnunina má finna bæði á vef safnsins og á Facebook-síðu þess. Könnunin stendur til 19. nóvember.
 
Áður birt í Kópavogspóstinum.

Deildu þessari grein

TENGDIR
VIÐBURÐIR

25
nóv
18
des
Salurinn
20:30

Heima um jólin

29
nóv
30
des
Kópavogur

Ævintýri í Jólaskógi

30
nóv
13
des
Kópavogur

Jólahúsið 2022

04
des
Kópavogur
17:00

Jólastund Hjallakirkju

04
des
Kópavogur
17:00

Jólatónleikar Kvennakórs Kópavogs

04
des
Kópavogur
12:00

Jólaball Kópavogskirkju

04
des
Kópavogur
13:00

Jólabingó til styrktar Jólum í skókassa

05
des
Bókasafn Kópavogs
12:00

Slökunarjóga

05
des
10
des
Bókasafn Kópavogs

Bókamarkaður

05
des
Mekó
20:30

Vatnadýrð

07
des
09
des
Salurinn
20:30

Jól og næs

07
des
Bókasafn Kópavogs
Hannyrðaklúbburinn Kaðlín
14:00

Kaðlín

Sjá meira

NÝJUSTU FRÉTTIR