Menningar- og mannlífsnefnd Kópavogsbæjar auglýsir eftir umsóknum um styrki til verkefna og viðburða sem efla menningu og mannlíf í bænum.
Leitað er að skapandi og aðgengilegum verkefnum sem fela í sér nýsköpun og geta höfðað til fjölbreytts hóps íbúa. Einstaklingar, listhópar, félagasamtök, fyrirtæki og stofnanir á sviði lista, hönnunar eða arkitektúrs eru hvött til að sækja um.
Við leitum sérstaklega að verkefnum og viðburðum sem:
- einkennast af nýsköpun, ferskleika og skapandi hugsun,
- eiga sér stað í efri byggðum Kópavogs,
- henta dagskrá nýrrar bæjarhátíðar í Kópavogi sumarið 2027,
- bjóða upp á gott aðgengi og höfða til sem flestra íbúa bæjarins.
Umsókn þarf að innihalda:
- skýra lýsingu á gildi verkefnisins fyrir menningar- og mannlífið í Kópavogi,
- framkvæmdaáætlun,
- greinargóða fjárhagsáætlun.
Rafrænar umsóknir, úthlutunarreglur og menningarstefnu Kópavogs má finna á vef MEKÓ.
Frekari fyrirspurnir má senda til Soffíu Karlsdóttur, forstöðumanns menningarmála í Kópavogi, á netfangið soffiakarls@kopavogur.is.
Umsóknarfrestur er til og með 18. október 2026.
