Með ýmislegt á prjónunum

Handavinnuklúbburinn Kaðlín, sem starfar á Bókasafni Kópavogs, ætlar að bjóða þekktum handavinnusnillingum til sín öðru hvoru í vor og fyrsti gesturinn er Ásdís Ósk Jóelsdóttir sem ætlar að kynna bók sína Íslenska lopapeysan.
„Við höfum verið með klúbbinn lengi á aðalsafni,“ segir Íris Dögg Sverrisdóttir, umsjónarkona Kaðlínar. „Hann hefur verið að vaxa smám saman. Sumir koma í hverri viku en aðrir líta við öðru hvoru. Þetta er heldur ekki bara fólk úr Kópavog, heldur koma gestirnar okkar víða að. Þetta hefur stækkað mjög mikið síðan ég sat ein og prjónaði með einum eldri herramanni – sem kunni ekkert að gera í höndunum en var hins vegar áhugasamur um kaffið sem var í boði!“
Íris segir að fyrir jólin hafi verið prófað að auglýsa kennslu á einum hittingi. „Einn starfsmaðurinn hérna á safninu kunni að hekla snjókorn sem er voðalega sætt jólaskraut. Við auglýstum að hún myndi kenna þessa snjókornagerð og það mætti alveg fullt af fólki. Þess vegna ætlum við að prófa núna að fá kennara öðru hvoru til að vera með leiðsögn og kynningar.“
Íris segir að handavinnufólkið sem mætir á fundi sé að fást við allskonar verkefni, en oft séu peysur á prjónunum og því eflaust mikill áhugi á efninu. „Ásdís fer yfir sögu lopapeysunnar og talar um það af hverju íslenska lopapeysan varð svona vinsæl. Þetta er dálítið merkilegt, hvernig fljótprjónaður vinnufatnaður þróast þannig að hann verður að hönnunar- og jafnvel tískuvöru.“
Kaðlín hittist á hverjum miðvikudegi klukkan 14 á aðalsafni Bókasafns Kópavogs. Ásdís ætlar að koma í heimsókn næsta miðvikudag kl. 14:15. „Það er um að gera að hafa handavinnuna sína með sér svo maður geti prjónað meðan maður hlustar,“ segir Íris. „Það er alltaf góð hugmynd að prjóna meðan maður hlustar!“

Deildu þessari grein

TENGDIR
VIÐBURÐIR

02
Feb
11
Feb
Salurinn
20:30

Katrín Halldóra

03
Feb
Bókasafn Kópavogs
18:00

Safnanótt

03
Feb
Salurinn
20:00

Los Bomboneros

03
Feb
Bókasafn Kópavogs
18:00

Vísindasmiðja HÍ

03
Feb
Héraðsskjalasafn Kópavogs
19:00

Bræðurnir frá Kópavogsbúinu

03
Feb
Héraðsskjalasafn Kópavogs
21:00

Saga knattspyrnudeilda Breiðabliks

03
Feb
Gerðarsafn
18:00

Sólarprent

03
Feb
Menning í Kópavogi
18:00

Gallerí Göng

03
Feb
Menning í Kópavogi
18:00

Hljóðbókasafnið á Safnanótt

03
Feb
Bókasafn Kópavogs
22:00

Sigríður Hagalín og Jón Kalman

03
Feb
Bókasafn Kópavogs
20:00

Blöðrudýrasmiðja

03
Feb
Menning í Kópavogi
19:30

Klemmdur í Y Gallery

Sjá meira

NÝJUSTU FRÉTTIR