Ævar og ofurhetjurnar

2. apríl er alþjóðlegur dagur barnabókarinnar, en honum er fagnað á fæðingardegi sagnameistarans H.C. Andersen. Í ár ber þann dag upp á annan páskadag, svo hátíðahöldin dreifast á dagana í kring. Á Bókasafni Kópavogs verður þungi hátíðahaldanna á fjölskyldustund í Lindasafni 7. apríl.
„Ævar Þór Benediktsson kemur og les úr óútkominni bók, sem er alveg sérstaklega spennandi“ segir Sigrún Guðnadóttir, forstöðumaður Lindasafns. „Heimsóknir Ævars til okkar eru alltaf mjög skemmtilegar og líka alltaf vel sóttar!“ Bókin sem Ævar les úr heitir Bernskubrek Ævars vísindamanns: Ofurhetjuvíddin. Bókin er sú fjórða í flokknum um hinn unga Ævar vísindamann, sem komst greinilega í margvíslegt klandur á sínum yngri árum. Má þar nefna viðskipti hans við risaeðlur, vélmenni og geimverur. Nýja bókin mun fjalla um það þegar Ævar álpast yfir í aðra vídd þar sem allir eru gæddir ofurkröftum. Þetta er áhugaverð lífsreynsla, en líka ansi skelfileg, því Ævar er þá sá eini í veröldinni sem ekki býr yfir undramætti af neinum toga.
„Allir grunnskólakrakkar á landinu verða nýbúnir að hlusta á glænýja sögu eftir Ævar til að halda upp á dag barnabókarinnar, en saga eftir hann verður lesin um land allt 5. apríl. Svo það ættu allir að vera í hátíðarskapi þegar kemur að fjölskyldustundinni,“ segir Sigrún.
Sigrún segir barnastarf vera í hávegum haft á Bókasafni Kópavogs alla daga ársins. „Við erum með mikla skipulagða dagskrá fyrir börn og fjölskyldur þeirra og leggjum að auki mikla áherslu á að börn og unglingar hafi góða aðstöðu á söfnunum. Þau eru lesendur framtíðarinnar og við leggjum okkur fram um að kenna þeim að bækur og bókasafnið séu hluti af tilverunni.“
 
Áður birt í Kópavogspóstinum.

Deildu þessari grein

TENGDIR
VIÐBURÐIR

02
Feb
11
Feb
Salurinn
20:30

Katrín Halldóra

07
Feb
Salurinn
20:00

Öskubuska og Hnotubrjóturinn

08
Feb
Salurinn
12:15

Óperudagurinn

08
Feb
Bókasafn Kópavogs
14:00

Hannyrðaklúbburinn Kaðlín

08
Feb
Bókasafn Kópavogs
16:00

Bókmenntaklúbburinn Hananú!

11
Feb
Bókasafn Kópavogs
13:00

Origamismiðja

15
Feb
Náttúrufræðistofa Kópavogs
12:15

Náttúruvernd, loftslagsmál og orkuskipti

15
Feb
Héraðsskjalasafn Kópavogs
10:30

Myndgreiningarmorgunn

15
Feb
Bókasafn Kópavogs
14:00

Hannyrðaklúbburinn Kaðlín

16
Feb
Salurinn
20:30

Friðrik Dór & Jón Jónsson

16
Feb
Bókasafn Kópavogs
10:00

Lengi býr að fyrstu gerð

18
Feb
Bókasafn Kópavogs
10:30

Æfingin skapar meistarann

Sjá meira

NÝJUSTU FRÉTTIR