ÞYKJÓ og Midpunkt hljóta hæstu styrkina frá lista- og menningarráði Kópavogs

Lista- og menningarráð Kópavogs hefur nú lokið úthlutun úr lista- og menningarsjóði bæjarins en markmið hans er að stuðla að eflingu menningar- og listalífs í Kópavogi. 59 umsóknir bárust að þessu sinni og hlutu 13 verkefni framgang. Hæsta framlagið hljóta hönnunarverkefnið ÞYKJÓ og listamannarýmið Midpunkt eða 4.000.000 kr. hvor en tilkynnt var um úthlutanir við athöfn sem fram fór í Gerðarsafni föstudaginn 15. janúar 2021.

Hönnuðir ÞYKJÓ verða staðarlistamenn í Kópavogi árið 2021 og munu á þeim tíma vinna að þverfaglegu rannsóknar- og hönnunarstarfi fyrir börn og fjölskyldur þeirra í samvinnu við Gerðarsafn, Salinn, Náttúrufræðistofu Kópavogs og Bókasafn Kópavogs. ÞYKJÓ sérhæfir sig í búningum, innsetningum og listasmiðjum fyrir börn en innan vébanda hópsins eru barnamenningarhönnuður, textílhönnuður, búninga- og leikmyndahönnuður, arkitekt og klæðskerameistari.

„Hönnun ÞYKJÓ sprettur upp úr þverfaglegu samtali og hönnuðir í teyminu þrífast á því að grúska og gera tilraunir. Það er því mikill fengur fyrir okkur að komast í starfsumhverfi menningarstofnana í Kópavogi sem snýr einmitt að því að byggja brýr á milli ólíkra listgreina, fræða og vísinda. Fyrsta lína ÞYKJÓ, Ofurhetjur jarðar, er óður til töfra dýraríkisins annars vegar og leikgleði, ímyndunarafls ogsköpunarkrafts barna hins vegar, sem ákall um að hvort tveggja þurfi að vernda og varðveita“ segir Sigríður Sunna Reynisdóttir, leikmynda- og búningahönnuður í hönnunarverkefninu ÞYKJÓ.  

Midpunkt er metnaðarfullt og framsækið listamannarými við Hamraborg, sem starfrækt hefur verið með fjölbreyttri og áhugaverðrisýninga- og viðburðadagskrá í rúmlega tvö ár af þeim Ragnheiði Sigurðardóttur Bjarnarðson og Snæbirni Brynjarssyni og skipað sér algera sérstöðu í innlendu listalífi. 

„Midpunkt er mikilvægur vettvangur fyrir samtímalist af ýmsum toga og hefur það að markmiði að kynna nýjar, spennandi raddir, erlendalistamenn í bland við innlenda, upprennandi listamenn. Midpunkt hefur verið bakhjarl fyrir tvær menningarhátíðir í Hamraborg, og haldiðtónlistar-, sviðslista- og bókmennta-viðburði, auk myndlistasýninga á eins mánaðar fresti síðan staðurinn var opnaður í október 2018,“ segirSnæbjörn Brynjarsson hjá Midpunkt. 

Aðrir sem fengu úthlutað úr Lista- og menningarsjóði Kópavogs voru eftirfarandi: 

1.500.000 kr. 
– Snorri Rafn Hallsson, Aðalbjörg Árnadóttir, Elísabet Jónsdóttir, Rannveig Bjarnadóttir fyrir Flanerí Kóp: Hljóðvapp um sögu og samtíma Kópavogs. 

600.000 kr. 
– Sólfinna fyrir Jazztónleikaröð Sunnu Gunnlaugsdóttur í Salnum. 
– Aude Maina Anne Busson fyrir Manndýr, þátttökusviðslistaverk fyrir börn. 

493.875 kr. 
– Andrea Elín Vilhjálmsdóttir: Tveir viðburðir á vegum Plöntutíðar í Kópavogi

330.000 kr.  
– Stílvopnið-valdefling og sk ehf fyrir Hetjuferðina í Bókasafni Kópavogs, ritlistasmiðjur fyrir ungmenni og eldri borgara.  

300.000 kr.  
– Ásgeir Jón Ásgeirsson fyrir þjóðlagasextett. 
– Karlakór Kópavogs fyrir Kópavogstóna, sönglög með rætur í Kópavogi, útsett fyrir karlakór. 
– Kvennakór Kópavogs fyrir vor- og jólatónleika. 
– Samkór Kópavogs.

270.000 kr.
– Elísabet Waage og Laufey Sigurðardóttir fyrir fiðlu- og hörputónleika.

250.000 kr.
– Þórður Steingrímur Guðmundsson fyrir myndgreiningafundi á Héraðsskjalasafni Kópavogs.
– Dansgarðurinn fyrir tvær sýningar á The Mall eftir Sögu Sigurðardóttur í flutningi Forward í Smáralindinni.

150.000 kr.
– Wioleta Anna Ujazdowska fyrir blómaverk úr plasti unnið með grunnskólabörnum.

Að auki styrkir Lista- og menningarráð viðburðaraðir og hátíðir á vegum bæjarins svo sem viðburðaraðirnar Menning á miðvikudögum, Fjölskyldustundir á laugardögum, Vetrarhátíð og Safnanótt, Aðventuhátíð, Ljóðstaf Jóns úr Vör og fleira.

Deildu þessari grein

TENGDIR
VIÐBURÐIR

01
Feb
Salurinn
20:00

Vetrarferðin

01
Feb
Náttúrufræðistofa Kópavogs
12:15

Náttúruvernd, loftslagsmál og orkuskipti

01
Feb
Héraðsskjalasafn Kópavogs
10:30

Myndgreiningarmorgunn

01
Feb
Bókasafn Kópavogs
14:00

Hannyrðaklúbburinn Kaðlín

02
Feb
21
May
Gerðarsafn
Gerðarsafn_sýning_2023

Að rekja brot

02
Feb
11
Feb
Salurinn
20:30

Katrín Halldóra

02
Feb
Bókasafn Kópavogs
16:30

Lesið á milli línanna

02
Feb
Bókasafn Kópavogs
17:00

Silkileiðin

02
Feb
Bókasafn Kópavogs
10:00

Skyndihjálp

03
Feb
Bókasafn Kópavogs
18:00

Safnanótt

03
Feb
Salurinn
20:00

Los Bomboneros

03
Feb
Bókasafn Kópavogs
18:00

Vísindasmiðja HÍ

Sjá meira

NÝJUSTU FRÉTTIR