Náttúrufræðistofan hlýtur styrk úr Safnasjóði.

Þann 21. mars s.l. kunngjörði mennta- og menningarmálaráðherra niðurstöður aðalúthlutunar úr Safnasjóði fyrir árið 2020. Árlega geta viðurkennd söfn sótt um styrki til rekstrar og ýmissa verkefna í sjóðinn og að þessu sinni bárust alls 200 umsóknir. Veittir voru 124 styrkir alls að upphæð kr. 177.243.000,- og hlaut Náttúrufræðistofan einn þeirra.
Að þessu sinni var sótt um styrk til að endurgera sýningu um vistfræði vatns og sjávar og nemur upphæð styrksins 3,5 milljónum króna. Verður hann nýttur til að endurhanna umgjörð ferskvatns og sjávarbúra sem eru á safninu með lifandi verum af ýmsu tagi.
Náttúrufræðistofan hefur notið styrkja Safnasjóðs undafarin ár sem nýttir hafa verið til að endurhanna grunnsýningar bæði á jarðfræði og, nú síðast, á líffræði Íslands. Menntamálaráðherra og Safnaráði eru færðar kærar þakkir fyrir stuðninginn.