Leiftur, birta, bjarmi, glóra. Íslensk tunga geymir fjölmörg orð yfir ljós. Í þessari notalegu samverustund geta börn og fjölskyldur komið saman og búið til marglitar luktir sem tendra ljós, hið innra og hið ytra, þegar myrkasti tími ársins er að ganga í garð. Allur efniviður verður á staðnum, aðgangur ókeypis og öll hjartanlega velkomin.
Smiðjan er haldin í tilefni af degi íslenskrar tungu og afmælisdegi Jónasar Hallgrímssonar, sem bjó einmitt til hið lýsandi og fallega orð, ljósgjafi!
Fjölskyldustundir á laugardögum eru styrktar af lista- og menningarráði Kópavogsbæjar.
