Jóga nidra er djúp og nærandi slökun. Þú liggur undir teppi, lætur fara vel um þig og nýtur leiðsagnar sem leiðir þig inn í djúpa kyrrð og hvíld. Jóga nidra er góð leið til að losa um spennu og streitu, bæta svefn og skapa jafnvægi í líkamanum. Það er því til mikils að vinna!
Dýnur, teppi og koddar verða á staðnum og ekki þarf að koma í sérstökum fötum til þess að geta tekið þátt.
Öll ungmenni hjartanlega velkomin!
Kennari er Jóhanna Pálsdóttir. Hún er grunnskólakennari, kennir börnum í Salaskóla og hefur bakgrunn í leiklist og leiklistarkennslu hjá Leikfélagi Kópavogs.
Jóhanna hefur nú í nokkur ár kennt öllum aldurshópum í Salaskóla jóga og jóga nidra sem valgrein í unglingadeild.
