Hvernig er þitt draumalandslag? Viltu bleika sanda, hrjóstrugt hraun úr piparkornum eða karrýgul jarðhitasvæði?
Við skoðum náttúruna með augunum, höndunum, eyrunum…og ímyndunaraflinu! Við könnum fjölbreyttar áferðir og hljóð eins og tær í mjúkum mosa, marrandi möl og fyssandi vatn. Gestir á öllum aldri þjálfast í að hugsa í skala og gera sitt eigið líkan af landsvæði.
Fjölskyldusmiðjan er leidd af hönnuðum ÞYKJÓ og tónlistarkonunni Sóleyju Stefánsdóttur.
Smiðjan verður frá 13 – 15 og hægt að koma við á þeim tíma, dvelja lengi eða stutt eins og hentar hverjum og einum. Aðgangur er ókeypis og öll hjartanlega velkomin.
Fjölskyldustundir á laugardögum eru styrktar af menningar- og mannlífsnefnd Kópavogsbæjar.
