Sigga Eyrún og Kalli Olgeirs flytja skemmtileg krakkalög á rólegu nótunum í skammdeginu. Gestir hvattir til að koma í náttfötum með kodda og bangsa.
Sigga Eyrún og Kalli eru gestum Salarins að góðu kunn en þau standa meðal annars fyrir tónleikaröðinni Söngleikastælum í vetur. Þau hafa bæði tekið þátt í fjölda fjölskyldusöngleikja í stóru leikhúsunum og nú um stundir er Kalli tónlistarstjóri í Línu Langsokk í Þjóðleikhúsinu en Sigga fer einmitt með hlutverk mömmu Tomma og Önnu þar. Þá sendu þau frá sér plötuna Lúlla bæ í haust með hugljúfum vögguvísum.
Fjölskyldustundir menningarhúsanna fara fram á laugardögum frá klukkan 13, á víxl á Bókasafni Kópavogs (aðalsafni og Lindasafni), Gerðarsafni, Salnum eða Náttúrufræðistofu Kópavogs. Þátttaka er ókeypis og öll velkomin á meðan húsrúm leyfir.
