Grétar Örvarsson, Páll Rósinkranz, Unnur Birna og Ragnheiður Gröndal skapa sanna hátíðarstemningu þar sem gleði og tilhlökkun svífa yfir Salnum.. Þau munu flytja vinsæl og þekkt jólalög sem sækja hlýjar minningar liðinna jóla og kveikja hinn sanna jólaanda. Grétar og Pál þarf ekki að kynna. Þeir hafa fyrir löngu sungið sig inn í hjörtu þjóðarinnar. Þá er Ragnheiður ein ástsælasta söngkona landsins, sönn stjarna. Unnur Birna hefur vakið verðskuldaða athygli fyrir fallegan söng og fiðluleik og er á hraðri leið upp á stjörnuhimininn.
Heiti tónleikanna “Á grænni grein”, er jólalag eftir Grétar sjálfan sem vann jólalagakeppni Rásar 2 árið 2020. Hljómsveitin er skipuð úrvals tónlistarmönnum undir stjórn Þóris Úlfarssonar.
