Kristinn Sigmundsson bassasöngvari og Peter Máté píanóleikari munu flytja ljóðaflokkana Á þessum kyrru dægrum eftir Tryggva M. Baldvinsson og Liederkreis op. 39 eftir Robert Schumann á tónleikum í Salnum sunnudaginn 26 mars. Tónleikarnir hefjast kl 16:00.
Tryggvi samdi flokkinn Á þessum kyrru dægrum á síðasta ári við nokkur ljóð eftir öndvegisskáldið Hannes Pétursson, með Kristin Sigmundsson í huga. Flokkurinn verður frumfluttur á þessum tónleikum.
Schumann samdi Liederkreis opus 39 í maí, árið 1840, við ljóð eftir Joseph von Eichendorff. Þetta er einn þekktasti og best heppnaði ljóðaflokkur sem um getur og inniheldur margar af fegurstu perlum Schumanns.
Sjálfur skrifaði hann í bréfi til Clöru, unnustu sinnar: „Eichendorff-flokkurinn er rómantískasta tónlist sem ég hef samið …..“
Lista-og Menningarráð Kópavogs styrkir tónleikana.
