Egill Gauti & Elías Geir
Aukalag er hlaðvarpssería í 4 hlutum í umsjá Egils Gauta og Elíasar Geirs. Í hverjum þætti velja þeir félagar sér eina hljómplötu til þess að rýna í og greina og leggja þeir svo fyrir sig verkefnið að búa til eitt frumsamið aukalag á plötuna. Fjallað verður um hljóðheim platnanna, söngtexta, sögulegt samhengi listamannsins o.fl. á skemmtilegan og hnitmiðaðan hátt og til þess að tryggja að aukalagið hljómi eins og það tilheyri tiltekinni plötu. Í lok þáttar verður svo afrakstur rannsóknarvinnunnar fluttur og verður þá platan komin með sitt aukalag.
Þeir félagar bjóða til hlustunar á Mossley, öll velkomin.
