Just Drink Tea er róttæk tilraun til þess að fanga augnablikin, eins konar athöfn helguð skynreynslu mannfólksins. Titilinn má þýða sem „drekkið bara te“ og verkið reynir að hefja upp orðið „bara“ og láta það vísa í margbreytileika þess sem „eitthvað æðra“ en finna má í einfaldleika tilverunnar. Gestir bjóða hver öðrum te og taka þátt í röð ljóðrænna og skynrænna sálaræfinga.
Þátttaka gestum að kostnaðarlausu.
Viðburðurinn er frá 13:00 – 17:00 og skráning fer fram á gerdarsafn@kopavogur.is
Dawn Nilo er gjörningarlistakona, kennari og fræðari, búsett og starfandi í Basel, Sviss. Dawn er með MA í sjónlistum og kennslufræðum og BA gráðu í félagsráðgjöf. Einnig er hún menntuð sem Waldorfsuppeldis fræðingur og er með tíu ára reynslu sem kennari í Waldorfskóla að baki. Dawn hefur unnið og sýnt með fjölmörgum alþjóðlegum listamönnum og sýningarstjórum, m.a. Tino Sehgal, Simone Forti, John Giorno, Klaus Biesenbach, Tom Stromberg, Chus Martinez og Poka Yio. Verk hennar hafa verið sýnd í stofnunum á borð við Schaulager og Kunsthalle Basel í Sviss, og Leopold-safnið and Volx/Margarethen-leikhúsið í Vín. Árið 2017 var hún tilnefnd til svissnesku gjörningalista verðlaunanna. Verk Dawn Nilo eru listrænar, alkemískar rannsóknir sem stuðla að því að virkja skynfærin og ímyndunaraflið.
10
jún
Bókasafn Kópavogs
