Það er von á góðu þegar söngvari Gus Gus og Nýdönsk heilsar upp á Jón sinn í Salnum.
Lagabunkinn er orðinn ansi drjúgur eftir gifturíkan feril og líklegt er að lög eins og Lady Shave, Horfðu til himins og Alelda verði á dagskránni. Núllið í Eurovision hefur ekki staðið í okkar manni sem er vís til að flytja ólíklegustu lög þetta kvöld.
Af fingrum fram er spjalltónleikaröð með Jóni Ólafssyni sem oftar en ekki nær gestum sínum á flug með söng, sögum og einstakri kvöldstund.
