Það verður opið á Krónikunni í Gerðarsafni á Safnanótt fram eftir kvöldi þar sem hægt verður að fá sér ljúffengar veitingar og drykki. Frá 18:00 til 21:00 mun DJ Ívar Pétur úr FM Belfast spila lög frá flestum heimshornum í huggulegri og létt-dillandi stemmningu.
Fjölbreytt dagskrá verður í boði á Safnanótt í Gerðarsafni.
Klukkan 19 bjóða Dýrfinna Benita og Sadie upp á listamannaleiðsögn um verk sín á sýningunni Stara.
Klukkan 21 hefst opnunarkvöld gjörningafestivals Gerðarsafns og Hamraborg Festivals. Viðburðurinn er sá fyrsti í gjörningafestivali sem teygir sig yfir allt árið 2025. Þau sem koma fram á þessu fyrsta kvöldi eru Ásdís Sif Gunnarsdóttir, Curro Rodriguez, Hrefna Lind Lárusdóttir og Tara & Silla.
Ókeypis er á sýningar í Gerðarsafni á Safnanótt, föstudaginn 7. febrúar á milli 18 og 23. Sýningin Stara stendur nú yfir á efri hæð safnsins en þar sýna Adele Hyry, Dýrfinna Benita Basalan, Jenny Rova, JH Engström, Jói Kjartans, Kristinn G. Harðarson, Michael Richardt og Sadie Cook. Á neðri hæð stendur yfir grunnsýning á verkum Gerðar Helgadóttur.
Sjáumst á Safnanótt.
