Plata Berglindar Maríu Tómasdóttur, Ethereality, hefur hlotið frábærar viðtökur en fyrir hana hlaut Berglind María Íslensku tónlistarverðlaunin í flokki sígildrar og samtímatónlistar árið 2021. Hljóðheimurinn er víðfeðmur, heillandi og jafnvel heilandi en tónlistin er öll samin sérstaklega fyrir Berglindi Maríu. Hér hljóma tónverk sem prýða verðlaunaplötuna auk eins nýs verks Berglindar Maríu. Berglind María hefur skipað sér í framvarðarsveit íslensks tónlistarfólks með tilraunagleði og forvitni að leiðarljósi. Hún er prófessor við Listaháskóla Íslands og verið afar virk á tónlistarsenunni sem flytjandi og tónskáld, hérlendis og erlendis.
Tíbrá tónleikaröð er styrkt af Lista- og menningarráði Kópavogs
Efnisskrá:
Carolyn Chen (f. 1983): Stomachs of Ravens
Berglind María Tómasdóttir (f. 1973): Bambaló
Lilja María Ásmundsdóttir (f. 1993): og brenna eins og fuglinn inn í eilífðina…
Tryggvi M. Baldvinsson (f. 1965): Riposo
Anna Þorvaldsdóttir (f. 1977): Ethereality
Berglind María Tómasdóttir: Paula‘s song
