Ljósmyndasmiðja þar sem unnið verður með sjálfsmyndir og ímyndir í tengslum við sýninguna Líkamleiki í Gerðarsafni.
Í smiðjunni verður skoðað á hvaða hátt sjálfsmyndir eða selfies eru notaðar til þess að varpa ljósi á félagslegt umhverfi okkar, stöðu í samfélaginu og hvernig við skilgreinum okkur eftir þjóðerni. Unnið verður með sjálfur (selfies) á mismunandi hátt og gefst þáttakendum tækifæri á að taka sjálfsmynd í ljósmyndastúdíói sem sett er upp á neðri hæð safnsins.
Kennarar námskeiðsins hafa reynslu innan ljósmynda- og myndlistarheimsins og er smiðjan samansett af tæknilegri nálgun í bland við hugmyndavinnu. Smiðjan er hugsuð fyrir alla aldurshópa og hægt er að koma hvenær sem er innan tímaramma námskeiðisins.
Verkefnið er styrkt af nefnd um fullveldisafmæli Íslendinga.
Menningarhúsin í Kópavogi bjóða uppá fjölbreyttar fjölskyldustundir á hverjum laugardegi. Smiðjan er opin öllum og er þátttaka gestum að kostnaðarlausu.
14
sep
Salurinn
