Frá þýsku jazzsenunni koma þeir Lars Duppler (píanó) og Stefan Karl Schmid (saxofón og klarínett). Þeir hafa báðir alist upp í Þýskalandi en eru hálf íslenskir og beina hér hug og hjarta að íslensku rótum sínum. Þeir flytja túlkun sína á þjóðþekktum íslenskum lögum eins og Númarímur, Heyr himna smiður, Sveitin milli sanda og fleirum. Verkefnið var upphaflega unnið í samvinnu við Deutschlandsradio í Köln þar sem þeir eru báðir búsettir.
Duppler og Schmid eru báðir handhafar jazzverðlauna frá Köln og eftirsóttir flytjendur á þýsku jazzsenunni.
Hægt er að kaupa áskrift á Jazz í Salnum. Þá fást miðar á alla þrjá tónleikana með 30% afslætti.
Með stuðningi Tónlistarsjóðs og Goethe Institute
