Listamennirnir Joe Keys og Haraldur Jónsson leiða gesti um verk sín á sýningunni Venjulegir staðir í Gerðarsafni. Aðgangur er ókeypis og öll hjartanlega velkomin á meðan húsrúm leyfir.
—
Á sýningunni Venjulegir staðir eru ljósmyndir Ívars Brynjólfssonar í samtali við verk Emmu Heiðarsdóttur, Haraldar Jónssonar, Joe Keys og Tine Bek; myndlist sem sprettur úr skynjun mannverunnar á umhverfi sínu. Listamennirnir eiga það sameiginlegt að veita hversdeginum ýtrustu athygli og beygja venjuleikann, oft með því einu að benda á hann. Verkin bera vitni um hversdaginn sem listamaðurinn hefur hoggið lítil brot úr og fyllt vasa sína til að geta sýnt okkur gersemarnar.
Sýningarstjórar eru Hallgerður Hallgrímsdóttir og Brynja Sveinsdóttir.
Verk á ljósmynd er eftir Joe Keys.
Ljósmynd: Sigríður Rut Marrow.
