Í þessari notalegu samverustund geta börn og fjölskyldur komið saman og búið til marglitar luktir sem tendra ljós, hið innra og hið ytra, þegar myrkasti tími ársins er að ganga í garð. Allur efniviður verður á staðnum, aðgangur ókeypis og öll hjartanlega velkomin.
11. nóvember er dagur heilags Marteins en á miðöldum markaði sá dagur víða upphaf vetrar og skammdegistíðar. Ein af táknrænum hefðum þess dags er luktaganga þar sem börn ganga syngjandi um stræti með litlar luktir sem þau hafa gjarnan búið til sjálf; ljósin lýsa upp myrkrið og kuldann.
Marteinn var biskup í borginni Tours í Frakklandi á fjórðu öld fyrir Krist, þekktur fyrir lítillæti, hógværð og hjartagæsku, verndari hinna fátæku og smáðu. Hann gegndi ungur maður herþjónustu en fræg er sagan af því þegar hann gekk í fullum herskrúða fram á kaldan og hrakinn betlara við borgarhlið í Tours. Marteinn fann til með fátæka manninum, hjó með sverði kápu sína í tvennt og klæddi betlarann í annan helminginn. Upp frá því sagði Marteinn skilið við herþjónustu og helgaði líf sitt þess í stað velgjörðum.
Fjölskyldustundir á laugardögum eru styrktar af lista- og menningarráði Kópavogsbæjar.
