Magnús & Jóhann fögnuðu fyrir skemmstu 50 ára starfsafmæli. Þetta er líklega besti íslenski dúett allra tíma og lög þeirra félaga hafa fyrir löngu grafið sig djúpt í íslenska þjóðarsál. Saman og í sitthvoru lagi eru þeir ábyrgir fyrir lögum eins og Álfar, Sail on, Söknuður, Blue Jean Queen, Yaketty Yak og Ást – svo örfá dæmi séu nefnd. Tvísöngur félaganna mun óma um Salinn sem aldrei fyrr!
Jón Ólafs snýr aftur með spjalltónleikaröðina sína, Af fingrum fram. Röðin hefur fyrir löngu fest sig í sessi hjá tónlistarunnendum landsins en Jón hefur á síðastliðnum fimmtán árum fengið til sín yfir 50 listamenn og hafa fleiri en 30.000 áhorfendur hrifist og hlegið með á þessum einstöku kvöldum Í Salnum.
