Molinn, miðstöð unga fólksins og Salurinn kynna Púlsinn, nýja tónleikaröð sem verður haldin í Salnum, Kópavogi í vor. Markmið Púlsins er að gefa ungu tónlistarfólki tækifæri að koma fram á tónleikum í einum fallegasta tónleikasal landsins en jafnframt gefa þeim verkfæri og tól til þess að vinna í tónlistarferli sínum. Fyrstu tónleikarnir fara fram 26.mars þar sem Amor Vincit Omnia og Woolly Kind koma fram.
Amor Vincit Omnia
Hljómsveitin Amor Vincit Omnia var stofnuð af Erlu Hlín og Baldri haustið 2023. Þau gáfu út sína fyrstu þröngskífu brb babe á síðasta ári sem myndi helst falla undir tilraunakennt rafpopp, sem þau hlutu síðan Kraumsverðlaunin fyrir. Textar þeirra persónulegir og mjög litríkir, en þau leika sér mikið með klisjur og hefðir poppsins.
Woolly Kind
„Woolly Kind” er svokölluð fuzz-folk hljómsveit með það að markmiði að spila háværa og jafnframt lágværa, óþægilega persónulega tónlist með hjálp furðulegra akústíska hljóðgjafa uppmagnaða af fuzz hljóðbjögun.
Púlsinn
26.mars – Amor Vincit Omnia & Woolly Kind
9.apríl – HáRún & Laufkvist
21.maí – AGLA & Flesh Machine
Molinn er miðstöð fyrir ungt fólk á aldrinum 16-25 ára þar sem hægt að mæta og nota aðstöðuna á ýmsan hátt, til dæmis með að bóka stúdíó og vinna í tónlist, æfa sig á sviði, halda viðburði en einnig til að slaka á, læra eða hafa gaman. Molinn er einnig skipuleggjandi Skapandi sumarstarfa í Kópavogi sem fagna 20 ára starfsafmæli í sumar.
