Hvernig og hvenær dreifðist mannkynið um heiminn? Hvar og hvernig urðu til meginleiðir milli þeirra á nýjan leik sem loks hafa leitt til alheimsvæðingarinnar?
Reykelsisleiðin lá um Yemen og Saba norður Arabíuskaga til Petra og Gaza. Syðst á Arabíuskaga spruttu tré sem gáfu af sér hið dýrmæta reykelsi og myrru. Þessar afurðir voru eftirsóttar í Egyptalandi og Róm. Kaupmenn fluttu þær á úlföldum norður eftir eyðimörkinni, fram hjá Mekka og Medína allt til klettaborgarinnar Petra. Þessa leið fór einnig drottningin af Saba í frægri og afdrifaríkri heimsókn sinni til Salómons konungs.
Jón Benedikt Björnsson fjallar um dreifingu mannkyns um heiminn í erindi sínu á aðalsafni. Jón er sálfræðingur að mennt og var lengi félagsmálastjóri á Akureyri, þá sviðsstjóri hjá Reykjavíkurborg en eftir það starfaði hann sem ráðgjafi, rithöfundur, fyrirlesari og við kennslu.
Viðburðurinn er sá þriðji í fyrirlestraröðinni Vegirnir um heiminn sem haldin er í fjölnotasalnum á 1. hæð. Öll velkomin á meðan húsrúm leyfir.
