John Coltrane var saxafónleikari, hljómsveitastjóri og tónskáld. Hann var einn virtasti og áhrifamesti jazztónlistarmaður tuttugustu aldarinnar en hann hefði orðið 100 ára gamall þann 23. september.
Á tónleikunum í Salnum ætlar Jazz kvartett Halla Guðmunds að heiðra John Coltrane á stórafmælinu með flutningi á nokkrum af merkustu verkum hans sem og efni sem kvartettinn hefur samið til heiðurs honum.
Á tónleikunum koma fram tveir merkilegir gestir, annars vegar gítarleikarinn Andrés Þór Gunnlaugsson, sem hefur lengi verið í framlínu íslenskra jazz gítarleikara og Snorri Sigurðarson á trompet en Snorri er einn af okkar fremstu trompetleikurum með víðtæka reynslu hérlendis sem erlendis.
Tónleikarnir eru styrktir af Menningar- og mannlífsnefnd Kópavogs.
—
Halli Gudmunds Jazz Quartett var stofnaður árið 2019 fyrir útgáfu plötunnar „Monk Keys“, en með þeirri plötu setti kvartettinn hljóðheim klassíska jazzsins niður með rótum og byggði platan á hljóðheim Monk, Coltrane og Sonny Rollins.
Í ár kemur út önnur plata kvartettsins, „At his House“, og er sérstaklega tileinkuð saxófónleikaranum John Coltrane. En hann bjó yfir yfirburðatækni á hljóðfæri sitt en einnig náði hann að snerta dýpstu sálarstrengi með hljóðfæraleik sínum og orku.
Kvartettinn:
Haraldur Ægir Guðmundsson, kontrabassi
Steinar Sigurðarson, tenor/sopran sax
Daði Birgisson, piano
Óskar Kjartansson, trommur
Gestir:
Andrés Þór Gunnlaugsson, rafgítar
Snorri Sigurðarson, trompet
