Hljómsveitin Slagsmál flytur tónlist í sunnudagsmessu í Digraneskirkju.
Áhöfn djasstvíeykisins Slagsmál er skipuð slaghörpuleikaranum Þórbergi Bollasyni og slagverksleikaranum Kormáki Loga Laufeyjarsyni. Tónlist þeirra einkennist af framsækinni og rytmískri djasstónlist í bland við endurunna klassíska tónlist og fjölbreyttar ábreiður.
Markmið Slagsmáls í sumar er að semja nýtt efni og gefa út eina breiðskífu í lok sumars ásamt því að koma fram við ýmis tilefni.
Viðburðurinn er hluti af viðburðaröð Skapandi sumarstarfa í Kópavogi.
