Sirkus Ananas býður hér upp á glænýja sirkussýningu fyrir alla fjölskylduna sem hverfist um vináttu og tengsl. Hér svífa listamenn um sviðið í hrífandi loftfimleikum, bjóða upp á trúðalæti og töfra, boltajöggl, jafnvægislistir og akróbatík en sýningin er í anda hinnar klassísku sirkushefðar sem sett er saman af stuttum atriðum.
Hvað gerist þegar við tengjumst, vinnum saman og springum út?
Sirkus Ananas skipa þau Urður Ýrr, Daníel og Kristinn Karlsson.
Aðgangur er ókeypis og öll hjartanlega velkomin á meðan húsrúm leyfir.
