Boðið verður upp á fjöruga fjölskyldudagskrá í Salalaug, laugardaginn 4. febrúar í tilefni Vetrarhátíðar. Sundballetthópurinn Eilífðin, Einar Aron töframaður, tónlist og frábær stemning. Ókeypis er í laugina frá klukkan 15 til 18 og þátttaka í viðburðum er gjaldfrjáls.
Frá 16 – 16.40 leiða systurnar Margrét Erla og Vigdís Perla í sundballetthópnum Eilífðinni sundballetttíma þar sem sameinast fíflagangur, þokki, spor og leikir. Tímarnir fara fram í innilaug og henta fólki með fjölbreytta hreyfigetu og má taka þátt eins og geta hvers og eins leyfir. Þátttakendur þurfa að ná til botns eða vera með kúta. Fullorðnir bera ábyrgð á sínum börnum.
Klukkan 17 býður Einar Aron upp á geggjaða töfrasýningu á sundlaugabakkanum með sjónhverfingum og spaugi.
Eigum saman notalegt sundlaugasíðdegi í Salalaug.
