Steini Hjálmur er hann oft kallaður og er maðurinn á bak við marga af helstu smellum Hjálma, reggísveitarinnar góðkunnu. Leiðin okkar allra er eitt þessara laga og íslenska þjóðin hefur fyrir löngu tekið ástfóstri við þessa einstöku tónsmíð. Hann er einstakur tónlistarmaður og sálarþrunginn söngur hans vakti athygli strax frá upphafi.
Af fingrum fram er spjalltónleikaröð með Jóni Ólafssyni sem oftar en ekki nær gestum sínum á flug með söng, sögum og einstakri kvöldstund.
