Verið velkomin á fjölskyldustund með Þykjó laugardaginn 28. febrúar í Gerðarsafni. Smiðjan hentar þátttakendum frá 4 ára aldri…til allavegana 104 ára!
Við dáleiðumst inn í ferðalag ullarþráðarins sem hlykkjast upp og niður í vefnaði. Efniviðurinn er litríkur og áferðir textílsins fjölbreyttar. Smám saman myndast leikandi mynstur og hrynjandi.
Viðburðurinn er í tengslum við sýninguna Hörður sem er tilvalið að heimsækja og fá innblástur.
Hönnunarteymið ÞYKJÓ leiðir smiðjuna, en þau hafa vakið athygli hér heima og erlendis fyrir metnaðarfull hönnunarverkefni fyrir börn. Um Þykjó:
ÞYKJÓ er þverfagleg hönnunarstofa sem vinnur fyrir og með börnum og fjölskyldum þeirra. Verkefnin eru fjölbreytt á sviði vöruhönnunar, upplifunarhönnunar, innsetninga og þátttökuverkefna. Hönnunarstarfið miðar að því að örva ímyndunarafl og sköpunarkraft barna í frjálsum leik, en á meðal verkefna hópsins má nefna Hljóðhimna í Hörpu, húsgagnalínuna Kyrrðarrými og Tulipopland leikvöllinn á Keflavíkurflugvelli. ÞYKJÓ hefur hlotið fjölda verðlauna og viðurkenninga fyrir störf sín, en þeirra á meðal eru Hönnunarverðlaun Íslands árið 2024, SVEF verðlaunin 2021 og YAM Awards 2023.
