Hvernig er þitt vetrarlandslag? Viltu bleika sanda, snæviþakta tinda, hrjóstrugt hraun úr piparkornum eða karrýgul jarðhitasvæði?
Við skoðum náttúruna með augunum, höndunum…og ímyndunaraflinu! Þátttakendur hanna lítinn landskika fyrir ímyndaðan íbúa og þjálfast í að hugsa í skala og móta umhverfi í kringum lífveru.
Fjölskyldustundir á laugardögum eru styrktar af Menningar og mannlífsnefnd Kópavogsbæjar.
Aðgangur er ókeypis.
Öll velkomin.
Um Þykjó:
ÞYKJÓ er þverfagleg hönnunarstofa sem vinnur fyrir og með börnum og fjölskyldum þeirra. Verkefnin eru fjölbreytt á sviði vöruhönnunar, upplifunarhönnunar, innsetninga og þátttökuverkefna. Hönnunarstarfið miðar að því að örva ímyndunarafl og sköpunarkraft barna í frjálsum leik, en á meðal verkefna hópsins má nefna Hljóðhimna í Hörpu, húsgagnalínuna Kyrrðarrými, búningalínuna Ofurhetjur jarðar og þátttökuverkefnið Gullplatan – Sendum tónlist út í geim. ÞYKJÓ hefur hlotið fjölda verðlauna og viðurkenninga fyrir störf sín, en þeirra á meðal eru Hönnunarverðlaun Íslands árið 2024, SVEF verðlaunin 2021 og YAM Awards 2023.
//
What is your dream landscape like? Do you want pink sand, barren lava made of peppercorns or a curry-yellow geothermal area?
We explore nature with our eyes, hands…and imagination! Participants design a small landscape for an imaginary inhabitant and train themselves to think in scale and shape an environment around an organism.
ÞYKJÓ is an interdisciplinary design studio that works for and with children and their families. The projects are diverse in the fields of product design, experience design, installations and participatory projects. The design work aims to stimulate children’s imagination and creativity in free play, but among the group’s projects are Hljóðhimnar in Harpa, the furniture line Kyrrðarrými, the costume line Ofurhetjur jarðar and the participatory project Gullplatan – Send music into space. ÞYKJÓ has received numerous awards and recognitions for her work, including the Icelandic Design Award in 2024, the SVEF Award in 2021, and the YAM Awards in 2023.
