Á dögunum náðist lifandi eintak af svonefndri námurtu, en það er litarafbrigði þingvallamurtu þar sem litarefni vantar í roð fiskanna.
Námurtan er nú til sýnis í fiskabúri á Náttúrufræðistofunni ásamt „venjulegum“ murtum. Auk murtu gefst nú einnig færi á að sjá hin beikjuafbrigðin þrjú sem finnast í Þingvallavatni, þ.e. Síla- kuðunga- og dvergbleikju.
Ekki er vitað hvað veldur þessu óvenjulega litarhafti en oftast veiðast fáeinar námurtur í hinu árlega murturalli Náttúrufræðistofunnar og Líffræðistofnunar Háskólans, sem fram fer í byrjun október. Þessi námurta er óvenju skrautleg þar sem hún er mjög dökk á baki og lang leiðina niður undir rák, en þar fyrir neðan er fiskurinn alveg litlaus. Þannig má sjá í blóðrauð tálknin í gegnum tálknalokin og einnig glittir í hjartað ofan við eyruggarótina.
25
jún
Bókasafn Kópavogs
