Lifandi jólaskraut

Þegar líður á aðventuna berast okkur undantekningalaust fyrirspurnir um ýmis smádýr sem slæðst hafa til landsins með innfluttum jólatrjám.

Oftar en ekki er um að ræða svokallaðar skortítur sem lifa m.a. á að sjúga safa úr barrnálum. Þessi dýr geta verið mjög litfögur og skrautleg og oftar en ekki í hefðbundnum jólalitum, græn, rauð og jafnvel málmgljáandi eins og sú á myndinni hér til hliðar. Mjög er þó misjafnt hve hrifnir eigendur jólatrjánna eru af hinum fagurlituðu gestum sínum.
Skortítan sem hér um ræðir er væntanlega af tegundinni Zicrona caerulea og ber nafnið Blå bredtæge á dönsku / Blue Bug á ensku og gæti því heitið blátíta á íslensku. Þetta er rándýr sem nærist aðallega á bjöllulirfum. Á þessari síðu má finna nokkrar upplýsingar um þetta dýr.