Náttúrufræðistofa Kópavogs var að venju þáttakandi í safnanótt, sem var haldin föstudaginn 7. febrúar.
Þetta er í fimmta skipti sem Náttúrufræðistofan tekur þátt ásamt Bókasafni Kópavogs og sló aðsóknin öll met, en alls sóttu ríflega 800 gestir safnahúsið heim að þessu sinni. Greinilegt var að dagskráin höfðaði til breiðs hóps og var sérstaklega ánægjulegt hve fjölskyldufólk var áberandi. Greinilegt er að safnanótt er enn að festa sig í sessi sem skemmtilegur og upplýsandi viðburður í svartasta skammdeginu.
Starfsfólk Náttúrufræðistofunnar þakkar hinum fjölmörgu safnanæturgestum kærlega fyrir komuna.
03
júl
Salurinn
