Á dögunum stóð Líffræðifélag Íslands fyrir ráðstefnu sem haldin var í Öskju, Náttúrufræðahúsi Háskóla Íslands og fyrirlestrasal Íslenskrar erfðagreiningar. Ráðstefnan er haldin annað hvert ár og hefur stöðugt vaxið fiskur um hrygg, en að þessu sinni teygði hún sig yfir þrjá daga. Fjölmargir gestir sóttu ráðstefnuna sem var haldin í þremur sölum samtímis, en auk erinda var mikill fjöldi veggspjalda kynntur.
Ljóst er að mikið er um að vera í líffræðirannsóknum á Íslandi og sérstaka athygli vakti hinn mikli fjöldi nemenda og annarra fyrirlesara sem var af erlendu bergi brotinn. Raunar var það svo að minnihluti erinda var fluttur á íslensku, en það endurspeglar einfaldlega hve alþjóðlegar líffræðirannsóknir eru hér á landi.
Náttúrufræðistofa Kópavogs tók að venju þátt í ráðstefnunni og kynnti frumniðurstöður fiskrannsókna sem fram fóru í vötnum á Ófeigsfjarðarheiði á Ströndum.
02
nóv
25
apr
Salurinn
