Erindi númer tvö í erindaröð um umhverfismál, litið til framtíðar

Þann 19. maí mun Einar Jónsson, sviðsstjóri stefnumótunar og þróunar hjá skipulagsstofnun, flytja erindi númer tvö í erindaröð Náttúrufræðistofu og Bókasafns Kópavogs um umhverfismál. Erindið nefnist „Landsskipulagsstefna, nýtt ferli sem setur umgjörð um skipulagsmál á landsvísu.“ Þar er um að ræða heildstæða skipulagsstefnu fyrir Ísland sem tekur til margra ólíkra þátta landnýtingar eins og vegagerðar, þéttbýlismyndunar, sumarhúsabyggðar, fiskræktar í ám og við strendur o.m.fl. Landsskipulagið nær nefnilega frá fjöllum til grunnsævis, fjarða og voga.
20160518090232214622.jpg
Alþingi samþykkti 16. mars sl. þingsályktun um landsskipulagsstefnu 2015-2026. Samþykkt hennar markar ákveðin tímamót í skipulagsmálum hér á landi. Með henni er í fyrsta sinn sett fram heildstæð stefna á landsvísu um skipulagsmál. Stefnan varðar byggðaþróun í þéttbýli og dreifbýli, auk skipulagsmála á miðhálendinu. Þá er einnig vikið að skipulagsmálum haf- og strandsvæða.
Í landsskipulagsstefnu eru sett fram sjónarmið og áherslur í skipulagsmálum, til útfærslu í skipulagsáætlunum sveitarfélaga. Þar útfæra sveitarstjórnir hvernig þær telja best við eiga að vinna úr stefnunni innan sinnar lögsögu og í samvinnu við önnur sveitarfélög þegar þannig háttar.
Landsskipulagsstefna getur einnig haft áhrif á áætlanir stjórnvalda á landsvísu í málaflokkum sem varða landnotkun og byggðaþróun. Gert er ráð fyrir að við mótun slíkra áætlana ríkisins sé horft til þeirra áherslna sem settar eru fram í landsskipulagsstefnu. Það getur átt við áætlanir eins og byggðaáætlun, kerfisáætlun, rammaáætlun og samgönguáætlun, svo dæmi séu tekin. Auk þess að vera framfylgt í gegnum skipulagsáætlanir sveitarfélaga og áætlanagerð ríkisins, felur landsskipulagsstefna einnig í sér tiltekin verkefni, svo sem leiðbeiningar- og þróunarverkefni, til að hrinda tilteknum markmiðum stefnunnar í framkvæmd.
Við mótun landsskipulagsstefnu hefur verið lögð rík áhersla á opið samráðsferli og gegnsæi, til að stuðla að sem breiðastri samstöðu um inntak hennar og áherslur. Í kynningunni verður farið yfir ferlið við mótun stefnunnar og þann lærdóm sem hægt er að draga af því. Einnig verður vikið að framfylgd stefnunnar og fyrirliggjandi verkefnum á næstu misserum í tengslum við landsskipulagsstefnu.
Fyrirlesturinn fer fram á 1. hæð safnahússins og eru allir velkomnir.
Aðgangur er að sjálfsögðu ókeypis.

Deildu þessari grein

TENGDIR
VIÐBURÐIR

08
Feb
Bókasafn Kópavogs
14:00

Hannyrðaklúbburinn Kaðlín

08
Feb
Bókasafn Kópavogs
16:00

Bókmenntaklúbburinn Hananú!

11
Feb
Salurinn
20:30

Katrín Halldóra

11
Feb
Bókasafn Kópavogs
13:00

Origamismiðja

15
Feb
Náttúrufræðistofa Kópavogs
12:15

Náttúruvernd, loftslagsmál og orkuskipti

15
Feb
Héraðsskjalasafn Kópavogs
10:30

Myndgreiningarmorgunn

15
Feb
Bókasafn Kópavogs
14:00

Hannyrðaklúbburinn Kaðlín

16
Feb
Salurinn
20:30

Friðrik Dór & Jón Jónsson

16
Feb
Bókasafn Kópavogs
10:00

Lengi býr að fyrstu gerð

18
Feb
Bókasafn Kópavogs
10:30

Æfingin skapar meistarann

19
Feb
Salurinn
13:30

Mitt er þitt

19
Feb
Salurinn
20:00

Lars Duppler & Stefan Karl Schmid

Sjá meira

NÝJUSTU FRÉTTIR