Jú, það er haust en ekki vor! Samt ætlum við hjá Náttúrufræðistofu Kópavogs að eiga stefnumót við lóuna í október. Það er ekki víst að við þekkjum hana, hún er komin í vetrarbúning sinn og er að undirbúa farflugið til Evrópu. Á vorin er lóan áberandi í túnum og á opnum svæðum. Á haustin sækir hún hins vegar í fjörurnar þar sem hún er ekki eins áberandi og flestir halda að hún sé farin.
Laugardaginn 15. október ætlum við að mæla okkur mót við lóuna í Fossvoginum. Við hittumst í Náttúrufræðistofunni kl. 13:00 þar sem við skoðum lóur og aðra fugla í sumar- og vetrarbúningi. Síðan verður rölt niður í Fossvog, en þeir sem vilja geta komið á stefnumótið þar. Við verðum við fræðsluskilti sem staðsett eru innarlega í voginum, sunnanmegin.
05
ágú
Bókasafn Kópavogs
