2016 gjöfult á bókasafninu

Við áramót er horft yfir farinn veg og nú í janúar er Lísa Z. Valdimarsdóttir, forstöðumaður Bókasafns Kópavogs, að gera upp nýliðið ár á safninu.
„Árið var viðburðaríkt hjá okkur og við tókum talsverða áhættu með breytingum á bæði innréttingum og afgreiðslutíma aðalsafns. Það er þess vegna léttir að skoða tölurnar og sjá það svart á hvítu hvað þær hafa gefið góða raun.“
Í apríl var aðalsafninu endurraðað og það í raun algjörlega endurhugsað. „Ef við horfum á allt árið fjölgaði gestum aðalsafns um 1%. En ef við lítum bara til tímans eftir breytingarnar og til ársloka og berum saman við sama tímabil í fyrra hefur gestum fjölgað um 4%. Svo þarna sjáum við greinilega fylgni,“ segir Lísa, en um 137 þúsund gestir komu á safnið og um 198 þúsund útlán fóru fram á árinu.
Lísa segir hluta gestafjöldans einnig skýrast af auknum fjölda viðburða á safninu sem dragi fólk að og kynni það fyrir bókasafninu. „Markmiðið okkar er að hingað komi fólk í einhverjum tilteknum erindagjörðum, kynnist þá safninu og kjósi að koma aftur.“
En það eru ekki bara fleiri gestir á safninu heldur eru þeir duglegri að nýta sér safnefnið en björtustu spár gerðu ráð fyrir, en útlánum aðalsafns fjölgaði um 3,5% eftir endurnýjun safnsins miðað við sama tíma í fyrra.
„Þróunin hjá almenningssöfnum víðast hvar í nágrannalöndum okkar er þannig að gestum fjölgar en útlánum fækkar. Bókasöfnin eflast sem samkomustaður og vettvangur ýmissa viðburða, en minni eftirspurn virðist vera eftir safnkostinum. Þetta er meðal annars af því að fleiri gestir kjósa að lesa blöð og bækur á staðnum en fara síður með efnið heim,“ segir Lísa. „Margir hafa litið á þessa þróun sem óhjákvæmilega og þess vegna kom það okkur ánægjulega á óvart að ekki bara fjölgar gestum okkar, heldur sjáum við sömuleiðis að útlánin eru á uppleið,“ bætir hún við
Lísa segir hluta skýringarinnar liggja í því að ný uppröðun á safninu geri safnkostinn sýnilegri og aðgengilegri. Þannig sé líklegra að gestir reki augun í eitthvað hnýsilegt.
„Svona tölur eru auðvitað mikil hvatning þegar við erum að skipuleggja árið 2017. Við ætlum bara að halda áfram á sömu braut og bjóða Kópavogsbúum upp á lifandi og metnaðarfull bókasöfn sem mæta þörfum þeirra í einu og öllu,“ segir Lísa. „Endilega sendið okkur hugmyndir!“

Deildu þessari grein

TENGDIR
VIÐBURÐIR

01
okt
Bókasafn Kópavogs
Lesið fyrir hunda
11:30

Lesið fyrir hunda

01
okt
Náttúrufræðistofa Kópavogs
13:00

Náttúru- og ævintýraferð

02
okt
Salurinn
13:30

Ár íslenska einsöngslagsins 2

03
okt
Bókasafn Kópavogs
slökunarjóga
12:00

Slökunarjóga

05
okt
Bókasafn Kópavogs
12:15

Textíll, sóun og endurnýting

05
okt
Bókasafn Kópavogs
Hannyrðaklúbburinn Kaðlín
14:00

Kaðlín

05
okt
Bókasafn Kópavogs
16:00

Hananú!

06
okt
Bókasafn Kópavogs
10:00

Skyndihjálp

06
okt
Salurinn
Af fingrum fram - Bragi
20:30

Bragi Valdimar

Sjá meira

NÝJUSTU FRÉTTIR